«Кодекс куманикус» яки «Куман мәҗмугасы» — 1294-1303 еллар арасында католик миссионерлары тарафыннан төзелгән латинча-фарсыча-куманча (кыпчакча) сүзлек. Анда шул чорда Хәзәр далаларында яшәгән кыпчак, болгар кабиләләре телендә йөргән өч меңгә якын төркичә сүз һәм иллеләп табышмак, мәкальләр теркәлгән. Христианлыкка бәйле кыска язмалар, догалыклар да бар.

Гомум кыпчак-төрки теленең, шул җөмләдән татар теленең, борынгы үрнәкләре булу ягыннан сүзлек зур тарихи әһәмияткә ия.

«Кодекс куманикус»ның кулъязмасы Италиядә Венеция китапханәсендә табыла. Китапханәгә аны 1362 елда мәшһүр итальян шагыйре һәм һуманисты Франческо Петрарка тапшырган була. Китап беренче тапкыр 1880 елда Будапешт шәһәрендә венгр галиме Геза Кун тарафыннан нәшер ителә.

Йөкләргә: Google Drive файлы

Китап турында бирелгән мәгълүматның чыганагы — Рәми И.Г., Даутов Р.Н. Әдәби сүзлек. – Казан: Татар. кит. нәшр., 2001. – 399 б.